تداول نشطاء على موقع التواصل الإجتماعى فيس بوك، فيديو لمحافظ الدقهلية وهو يجبر مديرة مدرسة عمر مكرم الإبتدائية بمدينة دكرنس على خلع شباك ألوميتال لتنظيفه، بعدما اخبرته انها نقلت فصل الحضانة منه لأن الغرفة مظلم ثم أقالها من منصبها قائلا «انتى مديرة فاشلة”.
مما أثار استياء رواد مواقع التواصل الاجتماعي، معلقين أن المحافظ أهان مديرة المدرسة، وتنمر عليها خلال زيارته الرسمية للمدرسة، بالاضافة لإهانته لعدد كبير من المدرسين خلال زيارته لمدرسة دكرنس الاعدادية الحديثة.
و يوضح الفيديو المتداول، أن المحافظ عند دخوله أحد المكاتب بالرغم من وجود لافته انه صف KG2، فسألها ازاي تنقلي الحضانة من هنا؟ اجابته المديرة :”الفصل ضلمة”!
فقام المحافظ بالرد : “لو جبتى واحد عنده ضمير ينظف الشباك مش هيبقى ضلمه ثم سألها تعرفى تخلعى الشباك ده؟”، وتوجه ورفع احدى الالواح وخلعة واجبرها ان تقوم بذلك كما فعل، ولما قالت له “حضرتك، افهمنى “، رد قائلا “مش عايز افهمك اعملى اللى بقولك عليه”. فما كان بيدها الا ان تقوم بخلع اللوح الالوميتال كما فعل، وهى تقول “اول مرة اعرف انه بيتخلع”، فتابع قائلا: “أمال بتنضفى في بيتك إزاى؟”.
وأوضح ايضاً الفيديو، أنه حين توجه المحافظ لفصل بالدور الثانى وعندما وجده غير نظيف قال “يا نهار ازرق ده شكل فصل هيستقبل الطلبة خلال يومين انتى مديرة فاشلة واعتبرى نفسك مقالة من بكرة”.
وأكد نشطاء ان الفيديو تم تصويره خلال زيارة الدكتور أيمن مختار محافظ الدقهلية لعدد من مدارس دكرنس قبل ثلاثة أيام من بدء الدراسة، ووجد المدرسة لم تنتهى من أعمال التنظيف والدهان وقامت مديرة المدرسة باخباره ان العمال في الطريق لإستكمال العمل حيث لايوجد عمال بالمدرسة ويتم استئجار عمالة للتنظيف والدهان، فرد عليها معترضا “هو انا كل ما اسألك على حاجة تقولى العمال في الطريق”.
كما توجه لمدرسة دكرنس الإعدادية الحديثة، وجه حديث شديد اللهجة لمدير المدرسة بسبب وجود عنكبوت “بالحمام”، ورفض الاستماع لتبريراته حول عدم وجود عمال وقيام المدرسين التنظيف بأنفسهم قائلا “أنا مش عايز اسمعك ولا اسمع أسباب”، وقال ايضاً، لمدرس لغة انجليزية بالمدرسة “انا اتكلم وانت تسمع”.
- Call Centre Inbound Agent – Air Arabia
- Early Years Teachers – Kuwait – January 2023 Start
- elementary learning support teacher
ومن جانبها قالت كريمة محمود إبراهيم مدير مدرسة عمر مكرم الإبتدائية “المحافظ أهاننى دون أن يعطينى فرصة أتكلم وأشرح إيه اللي بيحصل في المدرسة احنا مفيش عندنا عمال وبنأجر العمال على حسابنا، والمدرسين بيشتغلوا بأيديهم وقمنا بدهان الاربع ادوار بالمدرسة وكان العمل مستمر ولو المحافظ زار المدرسة اول يوم دراسة، كان بيشوف الفرق وهيعرف اننا كنا شغالين لكنه زارها وقت الشغل وكان لسه 3 ايام بنشطب فيهم التنظيف”.
وحول واقعة شباك الألوميتال قالت: “يوم زيارة المحافظ كنت نقلت رياض الأطفال في الدور الثانى، لأن القاعة بتاعتهم حصل فيها هبوط ارضى من جانب الجدار وكمان فصلهم ضلمة بخلاف انهم قريبين من طلبة المدرسة المهنية وكان بيحصل مضايقات منهم للاطفال العام الماضى، فكلمت مسؤولة رياض الأطفال بالإدارة وطلبت منها اننا ننقل فصلهم للدور الثانى علشان المكان نظيف و مغلق ببوابة عن طلبة المهنية، ووافقت وكان وقت وصول المحافظ بنقل فإعترض وتحدث معى بأسلوب مهين وطلب منى اخلع الشباك وانا معرفتش اقوله حاجة”
وانهارت قائلة : ” أنا مدرسة لغة عربية ومربية أجيال وسبق وحصلت على شهادة تقدير من وزير التربية والتعليم والمحافظ السابق كرمنى، ولم أتوقع أن تكون هذه هي المعاملة التي أتلقاها من المحافظ، و احنا بنلم فلوس من جيوبنا علشان ننظف المدرسة وبتبقى اول يوم دراسة زى الفل، وبعد اللى حصل مش عارفة هقابل تلاميذي إزاى ولا هتعامل معاهم إزاي بعد ما شافونى بتهان كده”
غريب أن صحفية أو كاتبة تسرد الموضوع بإدانة ونقد سلبي رغم أنه عمل الصح ولو بصيغة الكلام المكتوب وردود المديرة هو مغلطش