فتاة تتعرض للتحرش و الصفع عدة مرات بالهرم وتناشد حقي ضاع – فيديو

واقعة جديدة من وقائع التحرش في الشارع العام تصدرت مواقع التواصل الاجتماعي ، وذلك بعد تداول فيديو ل فتاة تتعرض للتحرش و الصفع عدة مرات

فتاة تتعرض للتحرش و الصفع عدة مرات

نشرت احدى الفتيات فيديو وهو يوثق تعرضها للتحرش على حسابها الشخصي على فيسبوك ، حيث قام احد الاشخاص بالتحرش بها وعند فشله في التمكن منها قام بصفعها عدة مرات متتالية وسط الشارع بمنطقة الهرم.

اقرأ ايضاً: واقعة طالبة الفستان في جامعة طنطا .. والنيابة العامة تحقق

كما وأوضح الفيديو ان بالرغم من حدوث الواقعة على مرأى ومسمع المارة لم يقم احد بالتدخل.

رصدت كاميرات المراقبة التابعة لاحد المحلات في الشارع، المتحرش وهو يحاول الحديث من الفتاة الا انها رفضت.

الامر الذي اغضبه وقام بالانهيال عليها بالصفعات المتكررة، وحاولت الابتعاد عنه خوفاً من التعدي عليها أكثر.

اقرأ ايضاً: شاب تحرش بفتاه وضربها بالقاهرة .. الداخلية تعلن عن تفاصيل الواقعة

كما وجاء في منشورها على حسابها:”النهاردة أقدر أقول إن أنا اتعرضت لأصعب موقف في حياتي، لقيت واحد نازل من عربية، وكان عاوز يتحرش بيا في وسط الشارع.

ولما ماعرفش ضربني ومش هامه حد، والناس واقفة تتفرج وأنا مش عارفه آخد حقي.

وكمان حاسة إني اتشليت وفي منطقتي ومش عارفة أجيب حقي.
كما واضافت: بعد ما اتهنت واتشتمت واتضربت بالطريقة دي، وأنا مش عارفة أعمل حاجة غير إني أخدت رقم العربية وعملت محضر .

بس عارفة إن حقي مش هيتجاب.

وقالت ايضاً: وهتفضل كل بنت تتعرض لمواقف زي دي ومتعرفش تاخد حقها .

ومش أول مرة موقف زي دا يحصل معايا وأنا ماشية في الشارع بس متوقعتش إن حد بجح يقوم يضربني.

واضافت: أنا مشوفتش أوسخ من كدا بجد وفي عز النهار والناس ماشيه في الشارع.
كما وقالت: ملقيش حد يمسك فيه حتى أعرف آخده على القسم آخد حقي.
حسبي الله نعم وكيل أول مرة أتكلم ف حاجة زي كدا بس.

أنا تعبت من الناس والشارع وبقى بنسبالي مكان يخوف أنا مش عارفة أقول أيه تاني أو اكتب أيه”

One thought on “فتاة تتعرض للتحرش و الصفع عدة مرات بالهرم وتناشد حقي ضاع – فيديو

  • يونيو 27, 2021 at 1:51 ص
    Permalink

    اقسم بالله اللي عمل كدة ده ما راجل ..وللاسف نفس الكلام علي اللي ماشيين يتفرجو.. حقك عند ربنا وان شاء الله داين تدان هيجيلو اللي يفتري عليه

    Reply

اترك رد